السلام عليكم<< وعليكم السلام ؟؟؟

مساءكم ملوخيه

أهلن أهلن

سهلن سهلن

مرحبا بقسم كفخني واكفخ سمو المشاعر
تماسيح وسحالياتي
<<يدلعهن

والله مشتااااق لكم
بس المسافه طويله
<<<<<<<<<<<<< الله يكون في عونك


شكثر مشتاق يرجع عمرنا للخلف
شكثر مشتاق اسرد خبالات
واشوف ابتسامتكم الحلوه
و أحلى منها أشوف ردودكم :

والان حان لي بان اسرد لكم هذي القصه
بعد عناء وصراع وتبقيس استمر لنصف ساعه << لا تعبت يالطيب

بصراحه كنت افكر وافكر وافكر وافكر انزل من موضوع
ولكن حول ماذا لا اعلم ؟؟؟ <<<< تفكير على غير سنع

المهم والاهم بين الحقيقه والوهم

وانا افكر ما طلعت بنتيجه

طلع معي حل وحيد ويتيم مقطوع من شجره

الا وهو قصه فرفوشيه مع شوية خبال تسبب في عدوه من سمو المشاعر
<< صديقه النذل :هع:



هذي قصه لا تخلو من التسذب بطرحها لكم من ايام الطفوله او بالاصح بداية ايام المراهقه يعني بالعربي ثاني او اول متوسط !!!


ايام الطفوله كان عندنا وحده من حريم الجيران تقدرني وتموت فيني ومن يوم تدخل البيت عينك ماتشوف الا الفشفاش وانواع الجالكسيات والحلويات وتحطني بحظنها وتبوس
اليوم بقدم لكم سالفه فيني وانا صغير مدري وش الطبخه بس الوضع عاجبني يعني من يحصل له حلويات وتبويس وحظن دافي .

<<<< من يوم هو صغير وفيه بوادر انحراف:



المهم دارت الايام ( درات الايام ولا دروب الشك ماعلينا ) دارت الايام وعلى ماقالو العيال كبرت وصرت ما اقدر ادخل مثل اول عند الحريم وصارو يتغطون عني وانحرمت من الحنان

المهم جارتنا ام محيميد نقلت عن الحاره وصار لها يمكن ثلاث سنوات ماشفتها ولاشافتني بس الكل منا محتفظ بذكريات حلوه

يوم من الايام زارتنا ام محيميد وزي العاده تتبيثر مع امي وانواع الحش واسترجاع الذاكره والكذب في خليقة الله فلانه صار لها كذا وفلانه تزوجت عشرمرات؟؟؟

ام محيميد مانستني وعلى طول سألت امي وين الورع االاطخم

امي بحسن نيه قالت وليدي بالغرفه يذاكر وماشالله الحين صار رجال وصارو الحريم يتغطون عنه وامي طايره فيني بحكم اني دلوعتها وعلى بالها اني برفع راس العائله
<<<<< امحق رفعة راس

ام محيميد مسكت معها تشوفني وقالت لازم لازم اشوف الاطخم والله ولهانه عليه ودي اشوفه شكله تغير ولا لا امي طارت عيونها وصار وجهها علامة استفهام وقالت يا ام محيميد سلطان يؤ اقصد االاطخم كبر الحين ومايصير تشوفينه ام محيميد عنيده وراسها يابس وبتشوفني بالغصب امي بعد هذا الاصرار الكبير رضخت
<<< قويه ذي الكلمه ومتعوب عليها
رضخت لطلبات ام محيميد وقالت لحظه اناديه !!!
جتني امي الغرفه وقالت ياوليدي ياحبيبي يفلدت كبيدتي من تتوقع يبي يشوفك ؟؟
انا بكل انواع التفاؤل اتوقع امي فاطمه ( جدتي ) <<< على نياتي وش حليله بريء
قالت امي لا هذي وحده كانت تحبك وتجيبلك حلويات وانت صغير وتلعبك ومن ذا الكلام انا عرفت انها تقصد ام محيميد بس ما ادري ليش طلبت ذا الطلب وهي تدري اني خلاص صرت كبير ومايصير اشوف الحريم امي قالت الحرمه ملزمه الا تشوفك
وانا وامي نتجاذب اطراف الحديث وامي تسحبني مع الدرج تقول سلم عليها ورح على طول لاتطول معها بالهرج !!

مامداني احط رجلي على آخر درجه من درج البيت الا لقيت ام محيميد واقفه عند الدرج ومير تسحبني من حواجبي لين عرفت بعدها ان الله حق
طبعا هي تمطخني وتقول ماشالله كبرت ياولد وصرت رجال ياحليلك وقامت تذكرني بايام الطفوله؟؟
وانا مطلع راسي من ورا كتفها واقول لأمي شوفي لها صرفه يابنت الحلال
ام محيميد لازالت تمطخ وتقول ياحليلك وياحبيلك وانا مدوخ ما اقدر اسوي شي لاني استحيت وماتوقعت انها باردة وجه وتسوي مثل كذا يعني لو هي زوجتي مامطختني ذاك التمطيخ !!!
ماعلينا نكمل

بكل ما اعطاني الله من قوه سحبت نفسي ( وتملّـصت )
<<<< وربي متعوب عليها هالكلمة
ورحت عنها وانا وجهي يصب عرق (اكيد يصب عرق يعني بيصب ميرنداء )

قلت عن اذنك يا ام محيميد انا بروح اذاكر فوق بغرفتي وسلميلي على عيالك قلت لها برررب وطلعت فوق
وانا طالع قالت لي تووووت ياروحي


طلعت ام محيميد راعية شات ؟؟؟؟؟؟؟؟

المهم وانا في غمرة المذاكره ( لاحظو غمرة ) مادريت الا الباب ينطق ؟؟؟؟؟؟

انا قمت وفتحت الباب على بالي يانا (الخدامه )جايبتلي عصير عشان اذاكر بضمير
مادريت الا جدايل ام محيميد تهفهف ورا الباب
انا في هذه اللحظه شغلت مخي وقلت الحرمه هذي فيها انا واخواتها؟ وبديت اشك في وضعها
طبعا لاتلوموني لاني توني بادي في سن المراهقه وشفت شي ماشفته قبل كذا!!

ام محيميد تبي تشوف غرفتي وامي تسحبها تقول مايصير يابنت الحلال وام محيميد عنيده وتقول لازم اشوف غرفته واطالع دروسه
امي اصابها اليأس ونزلت تحت وتركتني وحيدا مع ام محيميد ؟؟؟؟؟؟؟
ام محيميد تبي تدخل وانا ادف الباب من ورا مابيها تدخل بس الكثره تغلب الشجاعه وهي دبيه عن ثلاث حريم وانا لحالي وعصقول
دخلت الغرفه وسكرت الباب وجلست وتربعت على سريري
انا في هذي اللحظه قلت من قلب ياليل الليل وبعدين معك انتي ؟؟؟؟

ام محيميد تضحك هي وسنونها الخضراء ( تأثير الكراث ) وتقول تعال ياوليدي اجلس عندي؟؟
انا قلت ياولد ليش ماتصير مثلها بارد وجه مثل سمو المشاعر وتخلي عنك الحيا جيت وجلست قدامها وهي متربعه !!!!!
<<<<علامات التعجب اللي حطيتها مالها داعي
المهم
اخيكم في الله ماصدق خبر قام يقزقز ويشوف !!!!!
حست اني بديت جيت انا بكل وقاحه وثقالة دم ومن زود الميانه قلت كخخخخخخخخخخخخخ

ام محيميد حست اني خربتها وعينكم ماتشوف الا النور

محطتني بمخمس ( مخمس = بقس=كف ) دار راسي ثلاث دورات واستقر في مكانه عند الدوره الرابعه وعيني صارت في رقبتي لانها بيني وبينكم عليها يد تقول زبيريه ثانيا قامت تسوي فيني جميع انواع حركات المصارعه بدايةً من سوبلكس خلفي نقزتني فيه من فوق السرير وطحت رأسا على عقب
بعدين طلعت فوق الدولاب وهي تقول سنوووووكا الطائر وهي مسويه باصابعها حركة سنوكا وطبت علي وكوعها في بطني !!
بعدين طفا نور الغرفه تدرون ليش؟؟
دخل اندر تيكر ( الحانوتي ) وهي طبعا منزله الجدايل على وجهها على بال امها الحانوتي ومايخلى الموضوع من الفرش والترفيع

ومادريت الا هي تسوي حركه باصابعها( عييييب )
<<<<< حركة ستيف اوستن

وقامت تشوتني ولعنت الطيب فيني لين عرفت ان الله حق

ام محيميد يوم شافت ان قواي خارت واستسلمت بطحتني ارضا وطبت علي من فوق الماصه ( الطاوله ) وثبتت كتوفي على الارض والجماهير تصفق وهي فاقه خشتها وتحيي الجمهور
>> كان من الجماهير الموجوده امسمو المشاعر
فجأه دخلت امي وعدت ثلاث عدات وفازت ام محيميد وانتصر الحق على الطغيان ومن يومها صرت اذا شفت حرمه اروح للشارع الثاني(هع)
لان ام محيميد لقنتني درس لن انساه ماحييت

مايستفاد من الموضوع



1- اذا أحد سألك تعرف الاطخم قل لأ .. عشان تبعد عن نفسك أي شبهة جنائية

2- إذا احد سألك تعرف أم محيميد قل وبدووون تفكير لأ عشان تبعد شرطة الآداب والشبهات عنك

3- اذا كانت وحده من جيرانكم تدلعك لا تعطيها وجه وانت ورع لأنها لها أهداف غير سامية وتخطط لبعيد بعد 10 سنوات وآخرتها تطبق عليك حركة سنوكا

4- اذا أعجبك الموضوع وقعدت تضحك وتشمت علي .. بدعي عليك لين تجيك أم محيميد وتعلمك السنع

بس خلاص
>>> ياحبكم للفواد الزايده


خالص مودتي
محبكمـ
ضحيت ام محيميد

من عمل

الطالب الفذ الاطخم