♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦
بدووون مقدماات هل تفعلينها لوانتي مكانها ؟!
قصة واقعية حصلت في ليلة الزواج
اول شي انا وضعت هالقصه
لنعرف ماهي ردودكم على مافعله هذا الرجل بعروسه
اليكم القصه ..
♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦
شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الزواج بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :
الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين
المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، الباب يدق
قال هم ذولا وصلوا يالله همه يا مره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه
والمفاجأة ...
يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الزواج وش يكون ردة فعلك موافقه والا .لأ
وانتي من كسب الرهان وتمت ليلتهم على خير
وصاروا اسعد زوجين
♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦
بصرااااحه لو كنتي مكان هالبنت تسوينها والا .. لا ..
انا عني بعصب عليه واهواشه واقوله تتحدى انت واخوياك على حسابي يا...............
بعدين اخذ الفلووووس هااااااااااااع ..
♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦ ♥ ♠ ♣ ♦