وليد يطق الباب يبغى يدخل... شوي والا تفتح الباب رووح العين وتقول سلامات وش فيك ... ويقولها اجمعي كل اللي في البيت لاني قررت اقولكم قصة اليوم <<< وش عندهـ راعي القصص..
ويوم اجتمع كل اللي في البيت بدأ وليد بالقصة التالية :
يوميات وليد<<< شكل القصة جاامدة..
اليوم الأول: الساعة تشير للثامنة والنصف ... وليد توهـ قايم يتمغط وعيونهـ الله بالخير وحدهـ مفتحة والثانية مسكرة.. شوي الا يطالع الساعة ويفز تقوول كنهـ صاير به شي ..ويدخل الحماام بسرعة ويغسل ويفرش اسنانه<<< نظيف... وبعدين يطلع مستعجل والا يصقع في باب غرفته نسى انه مسكرهـ...
وبعد ساعة من الألم من صقعة الباب ... يلبس وليد ويتكشخ ويطلع ويشغل السيارة عشان تحتمي ويدخل البيت ياخذله كااس عصير على السريع <<< اكبر غلطة يترك السيارة مشغلهـ ويدخل ..
ويطلع ويلقى سيارته احتمت ... ويركب ويقعد يحووس بين الأشرطة يدور شريط زين يشغلهـ وأخيرا يستقر على شريط اليسا <<< يموت في اغاني اليسا..وبعد ماحط الشريط في المسجل تحرك بالسيارة واتجه مباشرهـ لطريق الرياض<<< ماسكهـ على الرياض
وأول مامسك الخط إلا ويبدأ الجو يحتر ::الساعة 10:: ويهدي بالسيارة ويطق المكيف<<< شغل سليم ... وبعد كذا وقف عند أقرب محطة علشان يعبي بنزين ... ويوم وقف وهو قاعد يعبي وإلا واحد يطق على مراية السيارة ... انتبه له وليد ونزل واتجه له على طوول وقال ميدهـ آمر وش عندك <<< أخلاق... وإلا وااحد يقوله السيارة للبيع .. طالع فيه وليد بأستغرااب وقاله لااكوون دخلت الحرااج وانا ماادري ... قام يضحك الشخص الغريب وقاله لا حرااج ولا شي ... وقعد يضحك طوول الوقت .. ووليد يطالعه بأستغرااب يقوول ذا مهبوول والا وش قصتهـ ... وإلا شوي ويقوول وليد يالحماار ماعرفتني...
أستغرب وليد زيادة !! قال ويعرف اسمي بعد لا لا اكيد الدعوة فيها سر <<< لا سر ولا شي الا انت اللي مدلخ..
وبعد مناوشات وكلام كثيير طلع الشخص الغريب وااحد مع وليد في منتدى المهجولون ووليد نساهـ ::منوووح الدب:: ... وبعد ساعات من السوالف والكلام والذكريات ... والا شوي ويسمع وليد الاذاان ويطالع الساعة الا هي 12 ... ويستأذن وليد من خويهـ ويرجع مع اقرب كبري للخرج <<< راحت رووحة الرياض..عندهـ شغل الظهر.
وبعد مارجع .. يصلي في اقرب مسجد على طريقهـ...ويرووح للبيت على طوول ... وأول مادخل البيت وإلا الوالدة الله يطول عمرها مجهزة الغداء .. ويجلس مع أهله ويتغدى ... وبعد ماخلص على طوول طلع وراااح......................؟؟
ياترى وين بيروح وليد في الظهر ؟؟ وبعدين وش الشغل المهم اللي عند وليد؟؟
كل هذي الأحداث بتعرفونها.... من يوميات وليد...