مراحب ميمو ، الله يعافيك
البرنامج يثقل على الجهاز شوي ، وأنا جوالي مليان برامج وألعاب :(
بس بعد هالموقف باحطه لو يوقف الجهاز ولا عاد يشتغل
أشكر لك طلتك الحلوهـ
رج رج .. أغاني .. لا لا هههههههه تبيني اروح غلطه .. خلينا على نغمة نوكيا ومرتاحين هع
مناحي .. ههههههههه شوف المره هذي لك .. صدقني الجايه عليك .. تراني متقروش مش حيّ الله <[ يمس على شنباته هههههههههه
هزيمـ .. يا لبى قلبك .. جايب هذا يفـزع لي .. أجل اسحب على خوينا أبو شنب هههههههههه لو أبي ذا يصير بدي قارد عندي كم ياخذ ؟؟ هههههههههه
تسلم لي على طلتك يا بعدي
سمسوم .. أقول دحدر منتدى الألعاب خلنا نفلها هههههههه
طبعاً من بعد كتابتي للرد الثاني إلى الساعة 1 الليل وانا مرتز في المنتدى
هجولنا شوي انا ورجه وميمو بمنتدى الألعاب .. ونزلت موضوع في منتدى المشرفين خاص بمميزات الاشراف .. وماقصرت ميمو لحست مخي ولحست مخها هههههههههه
من بعد الساعة 1 إلى اذان الفجر قاعد أتفرج على أفلام .. شفت فيلمـ في mbc2 لستيفن سيقال فيلمـ حلو بس قديمـ وعادوه على mbc2 ثلاث مرات وامس الرابعة :(
صكت معاي قلت خلني أحط ام بي سي آكشن ونفس الشغله حصلت فيلمـ حلو بس قديمـ وعآده مرآت كثيرهـ
قلـت اجل مالك إلا العربية تتابع اخبار العالم العربي والإسلامي " لازم ادخل نفسي بالسياسية ههههههه " .. يوم قلبت على قناة العربية شفت خبر عن تهريب الجزائريين إلى اسبانيا .. عن طريقة شبكة عصابة يديرها رجال أعمال اسبانيين كبار ..
للأسف بعض الجزائريين غرقوا وماتوا في البحر الله يرحمهم ويغفر لهم .. والبعض قفطوهم حرس الحدود مدري وش اسمه ورجعوهم الجزائر ..
ضاق صدري من هالخبر وقلت مالك إلا سبيس تون .. حطيت سبيس تون طلعت مقفلة يسكرون بدري < يبون الورعان يرقدون بدري ههههههههه
قعدت اقلب في هالقنوات ورجعت كعادتي للجزيرة الوثائقية وبعدها قناة صحتي تابعت فيها عملية جراحي بتسجيل مباشرة وبعدها رجعت على قناة ديسكفري قناتي المفضلة ..
مر الوقت بسرعة .. اذن الفجر صليت الفجر .. صليت في المسجد وبعد ما انتهيت من الصلاة طلعت اسحب رجولي في الحاره شوي ابي أشم هوا وانا اقول في نفسي ياريتني لبست جاكيت ولا شي .. لفعني البرد هههههههه
ما اخذت خمس دقايق بعد الصلاة الا وانا راجع للبيت اسوي لي حليب نيدو < مقدار الكاس ثلاث ملاعق بودرة حليب نيدو وملعقتين عسل < ما أحط سكر :)
رجعت للتفلزيون مره ثانية .. وقعدت اتفرج على قناة ام بي سي تو على فيلمـ قديمـ ناسي وش اسمه
مر الوقت بسرعه اشوف اخواني يتزهبون اللي مداوم واللي رايح المدرسة :) وصلت اخوي واختي الصغيرة لمدارسهم ورجعت البيت .. حسيت بجوع طلعت للبوفية واشتريت لي فطور
فطوري اليوم كان 2 ساندوتش كبدة وساندوتش شكشوكه وواحد عصير برتقال خلاط
افطرت وشبعت اللهم لك الحمد وطلعت لمقهى الانترنت .. ومن الساعة 7.10 صباحاً وانا موجود على النت إلى هالحزه الساعة 7.53 دقيقة
هذا يوم متقروش ببساطه .. مكرر ولا جديد فيه إلا في نهاية الأسبوع " اربعاء وخميس وجمعة " يتغير جدولي شوي عشان اخوايي يكونون فاضيين ولا عندهم دوامات <[ ماخذ له تقرير طبي فيه إجازة أسبوع كامل :)
أختار من بعدي .. رجّه بس رّزهـ :)
نبيك تكتبين يومك يا ست هآنم وتحكين لنا عن اللي يصير معاك وعن اللي ما يصير معاك هههههههه
ننتـظرك طال عمرك *_^