بــاك


بعد ما سدحت بردي اللي فوق ، أذن لصلاة العصر ، وقتها وعلى الاذان كان مناحي يسولف معي على المسنجر

سألني سؤال زي خشته وهو قايم من النوم وجاوبته وقال بأنسخ المحادثه وبأنزلها المنتدى < نذاله هههههه

قلت في نفسي زين نزلها المنتدى ، الحمد لله ما جبت العيد ولا شي ، كلها كلمتين قطيتهم ولا صار شي هـع < يفكر من الحين بمقلب لمنآحي :>


رجعت بعد العصر للمنتدى بس ما طولت ، يمكن بقيت فيه للساعة 5 وطلعت


طلعت البقاله بأشتري بايسون يصحصح بي شوي ما أمداني واذن المغرب :(


رحت البيت وتوضيت وطلعت المسجد ، كل يوم وانا داخل المسجد احط الجوال على الصامت

مدري وش قردني اليوم ونسيت لا أحطه صامت <[ يمدحون برنامج خاشع

في التشهد الأول رن الجوال .. انا ما انتبهت اول شي احسبه جوال اللي جنبي " نغمة الجوال نغمة نوكيا الأصليّة "

شوي كذا في الرنه الثالثه تقريباً انتبهت إنه جوالي واسمع اللي جنبي يتنحنح يعني إفهمها وسكت جوالك

دخلت يدي في جيبي وضغطت على كل الازرار ابيه يسكت .. مدري انا عطيته مشغول ما أدري فتحت الخط

شوي ورجع دق مره ثانية وانا راكع للركعة الثالثة

رجعت ونفس الحركة ضغطت كل ازرة الجوال وسكت الجوال

خلّصت من الصلاة وانا طالع من المسجد دق للمرة الثالثة

طلع واحد من اخوياي ، وكل هالإزعاج عازمني على فنجال قهوه


وهذا نص المكالمه تقريباً


الناشب : هلا ابو خلود

انا : هلا والله

الناشب : وش هالسحبات يا مهجول

انا : والله موجود بس مشغولين شوي هاليومين < لا شغل ولا مشغله ههههههههههه

الناشب : طيب تراني عازمك اليوم تجيني البيت

انا : الله يكثر خيرك يابو سليمان ودي اجيك والله بس اخوي ماخذ سيارتي < يحاول يصرف ههههه

الناشب : اجل جهز نفسك باجيك الحين

انا : الحين ؟؟

الناشب : ايه الحين انتظرني عند باب بيتكم

انا : اوكي انا بإنتظارك

الناشب : يلا مع السلامة

انا : فمان الله .. الله يستر عليك



جا بعد المكالمة مباشرة بـ 9 دقايق <[ يشوف المكالمات المستلمة ولم يرد عليها ويحسب الوقت هع


طلعت معاه .. ورحت لبيته ، وقلطنا وسولفنا شوي وطلعت من عنده تقريباً على الساعة 7.45 دقيقة


طلعت من بيته ورحت لمحل أبو ريالين .. الوالده الله يحفظها موصيتني اجيب لها خيزرانه <[ البيت بيركد اليوم ونفتك من صجة البزران ههههههه


اشتريت الخيزارنه ورجعت البيت ، وتكيّت فيه شوي أتفرج على التلفزيون


تفرجت على الجزيرة الوثائقية أول شيء ، وبعدين قلبت على قناة ديسكفري <[ احب اتابع هالقناة

وبعدها رجعت على قناة العربية عشان اشوف كم الساعة صارت الساعة 9.55 مساءاً

وقتها طلعت لمقهى الانترنت واخذت لي اشتراك 6 ساعات ودخلت المنتدى

بديت أكتب في هالرد الساعة 10 وثلاث دقايق

وانتهيت الساعة 10.37 دقيقة


لي رجعة بآخر الليل :)