اهلين اخوي هزيم .. وش فيك مستعجل .. وربي اني جالسه على هالكنب ومتمدده ابي اجاوب برواق على اسئلتك ..
بعد انت ماقصرت .. اسئلتك مايبي لها اجابه كلمه ورد غطاها .. يبي لها تفصيل ..
إستلم يالله إجاباتي .. وإنشالله تكون راضي عنها ..
**********
شفتي ماجبت كرسي جبتلك كنب اعتراف علشان تسترخين وتمددين رجولك وتجاوبين
(لا يكثر بسرعة اسال)
طيب ليش معصبة
هههههههههههههههههههههههههههههههههههههههههه
لا عصبت ولا شي .. بالعكس .. أحد يسترخي على هالكنب ويمدد كراعينه قصدي رجوله .. ويعصب .. الا قمة الرواقه .. وراح تجيك اجابات رايقه ..
تسلم اخوي هزيم ..
يالله نبداء
نبدأ .. بسم الله ..
س/ ماهي اجمل لحظات حياتك؟
عندما ألتقي بشخص عزيز .. بعد فراق داااام طويلا ..
س/ من من الناس يحتل المساحه الاكبر من قلبك ؟
أكيد وبدون شك عائلتي .. الله يخليهم لي ..
س/ اذا قال لك احدهم احبك فما هو شعورك وبماذا تردين عليه؟
>>>> انواع الإحراج وربي ..
صراحه .. شعوري راح يترتب على الشخص نفسه اللي صدرت منه هالكلمه .. ومدى شعوري المسبق ناحيته ..
فيه أشخاص .. أنتظرها منهم .. وبمجرد صدورها منهم .. أكيد راح يكون وقعها كبير علي .. وعسى الله يثبتني ساعتها ..
وبالنسبه للرد .. أتوقع اني راح انطرم .. وساعتها راح تكون نظراتي وتعابير وجهي .. كفيله بالرد ..
وفيه ناس أتفاجأ منهم لما يصرحون بهالكلمه لي ..
>>>> ياحليلهم يحبوني وانا مدري عنهم ..
وفي كل الحالتين أخجل .. >>>> إسم على مسمى .. خخخخخخ
والرد خلها على ربك .. عسى الله يثبتني وانطق لو بحرف واحد ..
س/ كلمة احبك لمن تهدينها
أحبكـ .. كلمة عظيمه .. لا يمكن أن تهدى الا لمن يستحقها وبجداره ..
س/ هل قد شعرت بفرحه غامره والسعاده تملاء قلبك في لحظتها ماكان السبب؟
يمتلكني هذا الشعور .. عندما أقوم بإنجاز أي شيء بإتقان .. وأكون راضيه عن نفسي في أدائي له .. وأشوف نظرات الرضا ممن هم حولي ..
س/ ماحب الاسماء لقلبك؟}{ حنين }{ ,, لأنه يمثل قمة الإشتياق ..
س/ تقال كلمة اكرهك هل سبق وقلتيها لاحد وانتي مؤمنه بكامل معناها؟
صراحة .. الشخص اللي أمامكـ هو اللي يجبرك على أنك تحبه أو تكرهه ..
وإذا جينا لكلمة أكرهك بالذات .. فانا ولله الحمد لم يسبق لي أن حملت مشاعره كره لأي أحد .. مهما كان بيني وبينه ..
ممكن أشعر بالنفور من ناحيته .. لكني لا أصرح بهذا مهما كان ..
وأحاول أستبعد هذا الشعور بأن أتجاهله قدر الإمكان ..
س/ متى اخترتي اختيار وقلت في داخلك نعم هذا اختياري الابدي؟
كل إختيار تسير عليه اموري ويكون في مصلحتي في أي مجال .. أقدم عليه بدون تردد وأستمر عليه ..
س/ ماهو اجمل مكان زرتيه واجمل بلد زرتيه؟
كثيرة الاماكن اللي زرتها وعاجبتني ولقيت راحتي فيها ..
باختصار .. يستهويني كل مكان يتميز بخضرته وبرودة جوه .. بغض النظر عن موقعه ..
وأجمل بلد .. صراحه مدري وش تقصد بالبلد .. بالمملكه ولا برى المملكه ..
بس اذا كان بالمملكه .. شوف .. أنا زرت المنطقه الشرقيه والغربيه والجنوبيه .. مهما شفت من بلدان ..
مافيه شي يستهويني كثر حرم مكه وحرم المدينه ..
وبرى المملكه مابعد حصل لي الشرف .. بس النيه موجوده ..
س/ اذا طلب منك تغير اسمك من خجل فماهو الاسم الذي سوف تختارينه؟
صراحة انا عاجبني نك خجل .. بس لو فكرت أغيره .. ما راح اروح بعيد ..
راح يكون نكي .. }{ إحساس خجوله }{
س/ تخيلى العالم يصغي إليكـ بهذة اللحظة , ماذا ستقولى ؟؟
راح اقول اهم شي : (( سامح الأنام قبل ان تنام ))
{ أدفع بالتي هي احسن فأن الذي بينك وبينه عداوه كانه ولي حميم }
.. وأنبههم منه .. اللي هو }{ الحقد }{ لأني أشوفه يتفشى وبكثره هالايام .. وأشوفه يفتك بالمجتمعات .. وتتفكك الروابط لما تشيل على احد ولا تسامحه .. وتظن فيه ظن السوء ..
والشي اللي يجهلونه أكثر الناس .. أنو الواحد لما يصفي قلبه قبل لا ينام على كل من كان شايل عليه لوجه الله .. ومات بهالليله .. يكون سبب لدخوله الجنه ..
بدليل ماروي عن احد الصحابه .. انه كان يغسل قلبه ويصفيه قبل ان ينام .. بقوله : (( اللهم اني عفوت عن عبدك هذا لوجهك الكريم ))
فكان سببا لدخوله الجنه ..
س/ سؤال تودين طرحه على أحد الأعضاء ولكن هناك ما يمنعك؟؟
الى الان ليس عندي اي سؤال اود طرحه على اي عضو .. بس يمكن فيما بعد ..
س/في وسط فوضى الحياة ما الذي يرسم لكِ "بسمة"؟
التفاؤل في ان غدا أجمل من امس ومن اليوم .. والإيمان بأن القادم احلى
س/ خمس وردات لمن تهدينها
الولى / للماما والبابا الله يخليهم لي ولا يحرمني منهم ..
الثانيه / لأغلى صديقه عندي ..
الثالثه / لجميع المهجولين والمهجولات في منتدانا الغالي ..
الرابعه / لغناتي غنووووجه اللي رشحتني للكرسي واستضافتني له عشان انعم بالرد على اسئلتكم ..
الخامسه / لك اخوي هزيم .. لأنو مو معقوله اهدي ورد وما يكون لك نصيب فيها ..
معذرة طولت عليكي بالاسئلة بس طلب اخير
لا عادي بالعكس .. استمتعت وانا اجاوب .. على انك احرجتني ببعض الاسئله .. بس مايخالف ..
ما ريك بهزيم وبما تنصحينه
قلت لي وش رايك بهزيم ..
هزيم أنسان جدا رائع .. خلوق .. قمة الادب والتعامل الراقي ..
شخصيه فارضه احترامها .. طريقتك جدا لطيفه .. صاحب قلب كبير .. واضح انو عندك مخزون من المشاعر .. أتمنى انك ماتمنحها الا للي يستحقها ..
وبالنسبه للنصيحه ..
صراحة .. وجدت فيك مثالا للأخلاق الرائعه .. فتمسك بها طوال حياتك ..
وفيه نصيحه اخويه لك ولكل من يقرأها ..
إجعل بينك وبين الله ساعة عباده .. أو عمل سري بالخفاء بينك وبين ربك ..
ولا تعلم عنه اي احد ..
ومشكوووور على هالاسئله .. وأتمنى أكون جاوبت بشكل يرضيك ..
وآسفه على التأخير في طرح الإجابات ..