//
\\



قطعت الوصل ياشاطر
قوي القلب تعجبني
تحسب إني أنا ناطر
و شوقي لك معذبني ؟
وأنا ماهزني هاجر
ولعب عيال ضحكني
ولكن خلك الصابر
وعلى فرقاك عودني
عشان أنساك في الآخر
ومثلك مايشرفني



تبي الصراحه ماعرفنا نواياك
تشد الحبل ثم ترجع وترخيه
لك مدة وانت تكرر خطاياك
ماني بجاهل تزعله ثم ترضيه
إن كنت ناوي بالهجر مامنعناك
قبلك فقدنا من نعزه ونغليه !



وفر كلامك ورني عرض الأكتاف
قلبي كره هرجك ولا هو بمجبور
ترى القلوب بطبعها شي شفاف
الكسر فيها صعب تلقى له جبور
ولا تحسب إني من الهجر بخاف
ياشيخ خذ حبك وقلبك ومشكور



إصبر ياقلبي وإنتظر خل الحزن مكتوم
كل المعاني تغيرت واتضحت الصوره
صار الصدق في هالزمن مثل الوفا معدوم
ونفوسنا تجرحت والفرحه مكسوره
كل المباديء تنشرى واللي معاه يسوم
حتى المشاعر أرخصت والكلمه
"مـــهـــدوره"



الله يرحم حبنا اللي قتلتيه
جفت دموعي والبقيه في حياتك !
انتي بديتي الحب وانتي نهيتيه
اقري عليه الفاتحه في صلاتك
مره لبستي الحب ومرات شلتيه
هذا الهوى لا تحسبينه عباتك
قلتي احفظه تذكار وقلت لك مابيه
تذكار حبي هو
شهـــادة وفاتـــك !



مجبور نضحك يازمان العجايب
دام البشر صار بوجه وجهين
مانع نبتسم للمصايب
دنيا نسايرها على العسر واللين
منها بكى طفل صغير وشايب
وياما ضحك منها عليها مجانين !



بطلت أحب وأعيش دنياي مرتاح
حتى الهوى غيرت فيه اتجاهي
لا حزن لا دمعه ولا ذل وجراح
لا قلب مشغول ولا فكر ساهي
بدلت كلمات الغزل جد وصياح
لا عاش من يقدر يعكر مزاجي
أباخذ الدنيا دلع لعب وأفراح
أبغى كذا أعيش دنياي لاهي !



من يزرع الوردهـ على الصخر غلطان
مثل الذي ينقش على الماء قصيده
خدعتني مالي عليك أي برهان
وإن انهضم حق الخوي من يعيده ؟!
قل وش بقى عقب الذي بالهوى كان
وإذا نقص عمر الهوى من يزيده ؟!



قلت : انتهينا
وقلت لك : خير ياطير ؟
ماني بأول شخص يخسر غرامه
ماكان حبك غير , بس طعنتك غير
علمتني معنى الندم
والنـــدامـه



كل شي يقول بنفـتـرق
قبل الفراق ,, بنــفترق !
اللي بقى من الكحل بعيون فرحتنا
قريـــب بينسرق
واللي بقى من البحر بأصابعي وأصابعك
بيـــحترق



أنا مالك أمل فيني ولو في الإصبع العاشر !
تلاقينا
تفارقنابدينا لعبة "الأقـــــدار"
أنا حبيتك بقلبي وهذي غلطة الشاطر
مشيت خطوة إحساسي وضعت بآخر
المشـــــوار



كيف تهواني وتهوى شخص ثاني ؟؟!!
كيف تجمعنا وسط قلبك سوى ..
يوم تجمعنا بقلبك يا أناني
من يحب اثنين ماعمره هوى



"خطــــاي"
إني سألت وجيت أدور للغياب أسباب
خطاي إني تعلمت الوفا والناس كـــذابه
حسايف يازمن
ماعاد باقي بذا الزمن أحباب !
على حسب المصالح كل واحد يحسب
حســــابه



متى حسيت بغيابي ؟
متى أثر بك عتابي ؟
برود الثلج أعصابك وأنا محروقـــه أعصابي
خلاص أرجوك خليني
تعب قلبي وبكت عيني
تعلمنا من الدنيا وتغير كل شي فينا
أنا من وين ألاقيها ؟
من الدنيا ومن اللي فيها
والا من جروحي اللي عجز قلبي
يداويــــها ؟



بودعك وإنت اللي ساكن بدمي
ابقى بعيد وروحك معي في ثيابي
وان سولفوا في حضورك عن بعض همي
قل لهم كان يعشق ريحة ترابي
قل لهم لأبلل دمع الحزن كمي
هذي دموعه ولكن هي من أسبابي

//
\\


إن شاء الله تنال إعجابكم هالمسجات

روح الغـــلا